Upplýsingavefur um sameiningu sveitarfélaga í A-Hún.
Velkomin(n) á upplýsingavef um sameiningarmál sveitarfélaga í Austur-Húnavatnssýslu. Hér má finna fréttir, tilkynningar, fundargerðir og aðrar upplýsingar sem tengjast fyrirhugaðri sameiningu sveitarfélaganna fjögurra í Austur-Húnavatnssýslu sem eru; Húnavatnshreppur, Blönduósbær, Skagabyggð og Sveitarfélagið Skagaströnd.
Bæjarskrifstofurnar á Blönduósi.
19. desember 2018
Fjárhagsáætlun Blönduósbæjar samþykkt
Sveitarstjórn Blönduósbæjar samþykkti í gær fjárhagsáætlun sveitarfélagsins fyrir árið 2019 ásamt þriggja ára áætlun fyrir árin 2020-2022. Fjárhagsáætlun ársins 2019 gerir ráð fyrir 81 milljón króna jákvæðri rekstrarniðurstöðu fyrir fjármagnsliði. Gert er ráð fyrir að tekjur vaxi um 119 milljónir króna milli ára og gjöld um 80 milljónir. Gert er ráð fyrir að skuldaviðmið samstæðu verði 109% í lok árs 2019 en lögbundið skuldaviðmið sveitarfélaga er 150%.
Fjárfestingar eru áætlaðar 215 milljónir króna sem ætlaðar eru fyrst og fremst til viðhalds eigna Blönduósbæjar. Stærstu einstöku framkvæmdirnar eru framkvæmdir við Blönduskóla og veitumál á gagnaverssvæði.
Í bókun sveitarstjórnar segir að fjárhagsáætlunin ber þess merki að góður árangur hafi náðst í rekstri sveitarfélagsins. Stórar framkvæmdir séu þó framundan á næstu árum og því mikilvægt að halda áfram öruggri fjármálastjórn sveitarfélagsins.
03. mars 2021
Í kvöld klukkan 20-23 verður fyrri rafræni íbúafundurinn um sameiningarviðræður í Austur-Húnavatnssýslu. Sá seinni verður á laugardaginn klukkan 10-13. Markmið fundanna er að kynna hugmyndir um uppbyggingu sameiginlegs sveitarfélags og fyrirkomulag þjónustu og verkefna, og fá fram sjónarmið og ábendingar íbúa áður en endanleg sameiningartillaga verður útfærð. Kynningarefni er aðgengilegt á Húnvetningi, sem er vefur sameiningarviðræðanna.
28. október 2020
Sveitarstjórnir Húnavatnshrepps og Skagabyggðar hafa samþykkt tillögu sameiningarnefndar Austur-Húnavatnssýslu um að um að sveitarfélögin fjögur í sýslunni hefji formlegar sameiningarviðræður og skipi tvo fulltrúa hvert sveitarfélag og tvo til vara í samstarfsnefnd. Húnavatnshreppur hefur skipað Jón Gíslason og Ragnhildi Haraldsdóttur í samstarfsnefndina og Jóhönnu Magnúsdóttur og Þóru Margréti Lúthersdóttur til vara. Skagabyggð hefur skipað Karenu Steinsdóttur og Magnús Björnsson í samstarfsnefndina.
14. október 2020
Sveitarstjórnir Blönduósbæjar og Skagastrandar hafa samþykkt tillögu sameiningarnefndar Austur-Húnavatnssýslu um að sveitarfélögin fjögur í sýslunni hefji formlegar sameiningarviðræður og skipi tvo fulltrúa hvert sveitarfélag og tvo til vara í samstarfsnefnd. Skagaströnd hefur skipað Halldór G. “lafsson og Kristínu B. Leifsdóttir í samstarfsnefndina og Péturínu L. Jakobsdóttur og Guðmund Egil Erlendsson til vara. Blönduósbær hefur skipað Guðmund Hauk Jakobsson og Birnu Ágústsdóttur og til vara Sigurgeir Þór Jónasson og Gunnar Tryggva Halldórsson.
04. október 2020
Sameiningarnefnd sveitarfélaganna í Austur-Húnavatnssýslu hefur samþykkt að leggja til við sveitarstjórnir Blönduósbæjar, Húnavatnshrepps, Skagabyggðar og Sveitarfélagsins Skagastrandar að hafnar verði formlegar sameiningarviðræður. Lagt er til að sveitarfélögin samþykki að skipa tvo fulltrúa hvert sveitarfélag og tvo til vara í samstarfsnefnd sem kanna skal möguleika á sameiningu sveitarfélaganna í samræmi við 119. grein sveitarstjórnarlaga.
Prenta