Fyrri mynd
Nsta mynd
Sameining Austur-Hnavatnssslu
Sameining A-Hnavatnssslu
Open Menu Close Menu
 
Sameining Austur-Hnavatnssslu

Fréttir

Fundargerðir

Minnisblöð

Ýmis gögn

Sameiningarnefndin

Framkvæmdaráðið

 

Upplýsingavefur um sameiningu sveitarfélaga í A-Hún.

Velkomin(n) á upplýsingavef um sameiningarmál sveitarfélaga í Austur-Húnavatnssýslu. Hér má finna fréttir, tilkynningar, fundargerðir og aðrar upplýsingar sem tengjast fyrirhugaðri sameiningu sveitarfélaganna fjögurra í Austur-Húnavatnssýslu sem eru; Húnavatnshreppur, Blönduósbær, Skagabyggð og Sveitarfélagið Skagaströnd.

Frá Skagaströnd
Frá Skagaströnd

Sameiningarviðræður halda áfram

Sveitarstjórn Skagastrandar hefur ákveðið að halda áfram þátttöku í sameiningarviðræðum sveitarfélaga í Austur-Húnavatnssýslu. Á sveitarstjórnarfundi í gær voru Halldór G. Ólafsson og Kristín B. Leifsdóttir skipuð í sameiningarnefndina en jafnframt mun sveitarstjóri starfa með nefndinni. Þá hafa öll sveitarfélögin fjögur í Austur-Húnavatnssýslu samþykkt að halda áfram viðræðum um sameiningu sveitarfélaganna.

Ný sameiningarnefnd er þannig skipuð:

Magnús Björnsson, Karen Helga Steinsdóttir og Dagný Rósa Úlfarsdóttir frá Skagabyggð.

Halldór G. Ólafsson, Kristín B. Leifsdóttir og Magnús B. Jónsson frá Skagaströnd.

Guðmundur Haukur Jakobsson, Birna Ágústsdóttir og Valdimar O. Hermannsson frá Blönduósi

Þorleifur Ingvarsson, Ragnhildur Haraldsdóttir og Einar Kristján Jónsson frá Húnavatnshreppi.

Mæla með samþykkt þingsályktunartillögu

Á aukalandsþingi Sambands íslenskra sveitarfélag sem haldið var í Reykjavík í gær var samþykkt að mæla með því við Alþingi að fyrirliggjandi þingsályktunartillaga um stefnumótandi áætlun í málefnum sveitarfélaga fyrir árin 2019-2033 og aðgerðaráætlun fyrir árin 2019-2023 verði samþykkt. Aðeins eitt málefni var á dagskrá þingsins að þessu sinni, umrædd þingsályktunartillaga, en í henni er gert ráð fyrir því að sveitarfélögum muni fækka verulega fyrir árið 2022 og enn frekar fyrir árið 2028.
:: meira
Ljósm: Höskuldur B. Erlingsson.
Ljósm: Höskuldur B. Erlingsson.

705 milljónir í sameiningarstyrk

Samkvæmt drögum að nýjum reglum um styrki Jöfnunarsjóðs sveitarfélaga til að greiða fyrir sameiningu fengju sveitarfélögin í Austur-Húnavatnssýslu 705 milljónir króna í sameiningarstyrk ef þau ákveða að sameinast. Sameiningaviðræður hafa staðið yfir undanfarin misseri hjá Blönduósbæ, Húnavatnshreppi, Skagabyggð og Sveitarfélaginu Skagaströnd um mögulega sameiningu. Sameiningarnefnd hefur verið að störfum og hefur hún m.a. kallað eftir með hvaða hætti ríkisvaldið ætli að koma að verkefninu.
:: meira

Mótmæla lögþvinguðum sameiningum

Sveitarstjórn Skagabyggðar mótmælir harðlega öllum hugmyndum um lögþvingaðar sameiningar sveitarfélaga á Íslandi og hvetur ráðamenn til að virða hagsmuni íbúa og sjálfsákvörðunarrétt í eigin málefnum. Þetta kemur fram í umsögn sem sveitarstjórn hefur gert við tillögu til þingsályktunar um stefnumótandi áætlun ríkisins í málefnum sveitarfélaga. Þar segir einnig að sameining sveitarfélaga verði að gerast á forsendum þeirra sem um ræði en ekki með valdboðum að ofan.
:: meira
Ljósm: Höskuldur B. Erlingsson
Ljósm: Höskuldur B. Erlingsson

Reglur um fjárhagslegan stuðning til að greiða fyrir sameiningu sveitarfélaga

Tillaga að nýjum reglum um fjárhagslegan stuðning Jöfnunarsjóðs sveitarfélaga til að greiða fyrir sameiningu sveitarfélaga var sett inn í samráðsgátt Stjórnarráðsins í gær. Allt að 15 milljarðar gætu farið í þennan stuðning á næstu 15 árum allt eftir því hvort sveitarfélög hyggjast nýta sér þennan stuðning. Nýmæli er að einstök sveitarfélög geta fyrirfram séð hvað félli til í þeirra hlut reglum samkvæmt óháð því hvaða sveitarfélagi það sameinast.
:: meira
 
 
Prenta Prenta