Fyrri mynd
Nsta mynd
Sameining Austur-Hnavatnssslu
Sameining A-Hnavatnssslu
Open Menu Close Menu
 
Sameining Austur-Hnavatnssslu

Fréttir

Fundargerðir

Minnisblöð

Ýmis gögn

Sameiningarnefndin

Framkvæmdaráðið

 

Upplýsingavefur um sameiningu sveitarfélaga í A-Hún.

Velkomin(n) á upplýsingavef um sameiningarmál sveitarfélaga í Austur-Húnavatnssýslu. Hér má finna fréttir, tilkynningar, fundargerðir og aðrar upplýsingar sem tengjast fyrirhugaðri sameiningu sveitarfélaganna fjögurra í Austur-Húnavatnssýslu sem eru; Húnavatnshreppur, Blönduósbær, Skagabyggð og Sveitarfélagið Skagaströnd.

Frá Skagaströnd.
Frá Skagaströnd.

Fjárhagsáætlun Skagastrandar samþykkt

Á fundi sveitarstjórnar Skagastrandar í gær fór fram seinni umræða um fjárhagsáætlun sveitarfélagsins fyrir árin 2019-2022. Í rekstraryfirliti áætlunar 2019 kemur fram að heildartekjur samstæðu eru áætlaðar 638 milljónir króna þar af eru skatttekjur 490 milljónir og rekstrartekjur 148 milljónir. Rekstrargjöld eru áætluð 633 milljónir króna, þar af kostnaður vegna launa áætlaður 293 milljónir. Fjármagnsliðir eru áætlaðir jákvæðir um 5 milljónir og rekstrarniðurstaða samstæðu er áætluð jákvæð um 9,5 milljónir króna.

Í sjóðstreymi áætlunar er gert ráð fyrir að veltufé frá rekstri samstæðu verði jákvætt um 54 milljónir króna. Samanlagðar fjárfestingahreyfingar eru áætlaðar 83 milljónir. Stærstu fjárfestingaþættirnir í áætlun eru 26 milljónir vegna fasteigna og gatna og 21 milljón vegna hafnarframkvæmda. Að teknu tilliti til fjárfestinga og fjármögnunarhreyfinga er áætlað að handbært fé lækki um 39 milljónir og handbært fé verði í árslok 415 milljónir. Í áætlun áranna 2019-2022 er gert ráð fyrir jákvæðri rekstrarniðurstöðu samstæðu öll árin.

Frá Skagaströnd
Frá Skagaströnd

Engar þvingaðar sameiningar á næstu árum

Í drögum að frumvarpi til breytinga á sveitarstjórnarlögum, sem innleiðir á ný ákvæði um lágmarksíbúafjölda sveitarfélaga, er haldið í þá reglu sem áður var að finna í sveitarstjórnarlögum frá 1986 og 1998, um að miða skuli við að íbúafjöldi sveitarfélaga þurfi að vera undir lágmarksíbúðamarkinu þrjú ár í röð, áður en ráðuneyti sveitarstjórnarmála ber að hafa frumkvæði að sameiningu sveitarfélagsins við annað eða önnur félög. Þá verður ráðherra fengin heimild til að veita sveitarfélagi tímabundna undanþágu til allt að fjögurra ára frá skilyrði um lágmarksíbúafjölda, ef sérstakar félagslegar eða landfræðilegar aðstæður eru til staðar.
:: meira
Frá Blönduósi. Ljósm: Höskuldur B. Erlingsson.
Frá Blönduósi. Ljósm: Höskuldur B. Erlingsson.

Frumvarp um lágmarksíbúafjölda sveitarfélaga komið í samráðsgáttina

Drög að frumvarpi til breytinga á sveitarstjórnarlögum sem innleiðir á ný ákvæði um lágmarksíbúafjölda sveitarfélaga hafa verið birt í samráðsgátt stjórnvalda til umsagnar. Samkvæmt frumvarpinu verður lágmarksíbúafjöldi 250 frá almennum sveitarstjórnarkosningum árið 2022 og 1.000 frá almennum sveitarstjórnarkosningum árið 2026. Allir hafa tækifæri til að senda inn umsögn eða ábendingar en frestur til að skila umsögn er til og með fimmtudagsins 27. febrúar 2020.
:: meira

Sameiningaviðræður að fara af stað aftur

Jón Gíslason, formaður sameiningarnefndar sveitarfélaga í Austur-Húnavatnssýslu, sagði í samtali við Ríkisútvarpið í gær að sameiningaviðræður væru að fara af stað aftur núna. Hlé hafi verið gert á þeim síðastliðið vor og ákveðið að bíða og sjá hvað yrði úr væntanlegri lagasetningu. Sagði hann að alltaf hafi verið horft til þess að viðræðum lyki með kosningum og sameining tæki gildi við næstu sveitarstjórnarkosningar árið 2022.
:: meira

Fjárhagsáætlun Blönduósbæjar samþykkt

Sveitarstjórn Blönduósbæjar samþykkt fjárhagsáætlun sveitarfélagsins fyrir árið 2020 á fundi sínum í gær. Samkvæmt henni verða heildartekjur á næsta ári 1.288 milljónir króna og rekstrargjöld 1.244 milljónir. Fjármagnsliður eru áætlaðir 50 milljónir og því er gert ráð fyrir að rekstrarniðurstaða ársins verði jákvæð um 14 milljónir króna. Fjárhagsáætlun Blönduósbæjar fyrir 2020 ber þess merki að góður árangur hefur náðst í rekstri sveitarfélagsins og mikilvægt að áfram verði gætt aðhalds og varfærni í öllum rekstri, segir í bókun sveitarstjórnar.
:: meira
 
 
Prenta Prenta