Fyrri mynd
Nsta mynd
Sameining Austur-Hnavatnssslu
Sameining A-Hnavatnssslu
Open Menu Close Menu
 
Sameining Austur-Hnavatnssslu

Fréttir

Fundargerðir

Minnisblöð

Ýmis gögn

Sameiningarnefndin

Framkvæmdaráðið

 

Upplýsingavefur um sameiningu sveitarfélaga í A-Hún.

Velkomin(n) á upplýsingavef um sameiningarmál sveitarfélaga í Austur-Húnavatnssýslu. Hér má finna fréttir, tilkynningar, fundargerðir og aðrar upplýsingar sem tengjast fyrirhugaðri sameiningu sveitarfélaganna fjögurra í Austur-Húnavatnssýslu sem eru; Húnavatnshreppur, Blönduósbær, Skagabyggð og Sveitarfélagið Skagaströnd.

Útspil stjórnvalda getur haft úrslitaáhrif

Þorleifur Ingvarsson, formaður sameiningarnefndar um sameiningu sveitarfélaga í Austur-Húnavatnssýslu, sagði í samtali við fréttastofu Ríkisútvarpsins í gær að stór skref í átt að sameiningu verði ekki stigin fyrr en stjórnvöld sýni spilin. Vísaði hann þá til átaks sem Sigurður Ingi Jóhannsson, ráðherra sveitarstjórnarmála, hefur boðað í fækkun sveitarfélaga og talað fyrir því að jöfnunarsjóður verði notaður til þess að hvetja til sameininga næstu árin.

Þorleifur segist styðja slíkt útspil og telur raunar að það geti haft úrslitaáhrif á hvort af sameiningu verður. Hann segist vilja sjá útlistun, eða hvernig slíkt verði framkvæmt, áður en endanleg ákvörðun verði tekin um íbúakosningu sem gæti orðið í fyrsta lagi næsta vor, eða seinni part næsta árs. Hann segir að verið sé að vinna, eða að undirbúa það að reyna að fá svör varðandi aðkomu jöfnunarsjóðs og opinberra aðila að verkefninu. Þorleifur vill helst að svör verði komin fyrir enda janúar.

Blönduósbær, Húnavatnshreppur, Skagaströnd og Skagabyggð hafa verið í viðræðum um sameiningu. Hlé var gert vegna kosninga í vor, en nýjar sveitarstjórnir samþykktu að halda áfram og skipuðu fulltrúa í nýja sameiningarnefnd sem hefur fundað einu sinni. Samningur við ráðgjafa var framlengdur og skipað í sérstakt framkvæmdaráð sem hefur fundað í tvígang.

Þorleifur segir jafnframt í samtali við Ríkisútvarpið í gær að næstu fundur sameiningarnefndarinnar verði líklega ekki haldinn fyrr en svör frá stjórnvöldum hafi borist. Þá fyrst verði hægt að huga að íbúakosningu.

Frá Skagaströnd
Frá Skagaströnd

Engar þvingaðar sameiningar á næstu árum

Í drögum að frumvarpi til breytinga á sveitarstjórnarlögum, sem innleiðir á ný ákvæði um lágmarksíbúafjölda sveitarfélaga, er haldið í þá reglu sem áður var að finna í sveitarstjórnarlögum frá 1986 og 1998, um að miða skuli við að íbúafjöldi sveitarfélaga þurfi að vera undir lágmarksíbúðamarkinu þrjú ár í röð, áður en ráðuneyti sveitarstjórnarmála ber að hafa frumkvæði að sameiningu sveitarfélagsins við annað eða önnur félög. Þá verður ráðherra fengin heimild til að veita sveitarfélagi tímabundna undanþágu til allt að fjögurra ára frá skilyrði um lágmarksíbúafjölda, ef sérstakar félagslegar eða landfræðilegar aðstæður eru til staðar.
:: meira
Frá Blönduósi. Ljósm: Höskuldur B. Erlingsson.
Frá Blönduósi. Ljósm: Höskuldur B. Erlingsson.

Frumvarp um lágmarksíbúafjölda sveitarfélaga komið í samráðsgáttina

Drög að frumvarpi til breytinga á sveitarstjórnarlögum sem innleiðir á ný ákvæði um lágmarksíbúafjölda sveitarfélaga hafa verið birt í samráðsgátt stjórnvalda til umsagnar. Samkvæmt frumvarpinu verður lágmarksíbúafjöldi 250 frá almennum sveitarstjórnarkosningum árið 2022 og 1.000 frá almennum sveitarstjórnarkosningum árið 2026. Allir hafa tækifæri til að senda inn umsögn eða ábendingar en frestur til að skila umsögn er til og með fimmtudagsins 27. febrúar 2020.
:: meira

Sameiningaviðræður að fara af stað aftur

Jón Gíslason, formaður sameiningarnefndar sveitarfélaga í Austur-Húnavatnssýslu, sagði í samtali við Ríkisútvarpið í gær að sameiningaviðræður væru að fara af stað aftur núna. Hlé hafi verið gert á þeim síðastliðið vor og ákveðið að bíða og sjá hvað yrði úr væntanlegri lagasetningu. Sagði hann að alltaf hafi verið horft til þess að viðræðum lyki með kosningum og sameining tæki gildi við næstu sveitarstjórnarkosningar árið 2022.
:: meira

Fjárhagsáætlun Blönduósbæjar samþykkt

Sveitarstjórn Blönduósbæjar samþykkt fjárhagsáætlun sveitarfélagsins fyrir árið 2020 á fundi sínum í gær. Samkvæmt henni verða heildartekjur á næsta ári 1.288 milljónir króna og rekstrargjöld 1.244 milljónir. Fjármagnsliður eru áætlaðir 50 milljónir og því er gert ráð fyrir að rekstrarniðurstaða ársins verði jákvæð um 14 milljónir króna. Fjárhagsáætlun Blönduósbæjar fyrir 2020 ber þess merki að góður árangur hefur náðst í rekstri sveitarfélagsins og mikilvægt að áfram verði gætt aðhalds og varfærni í öllum rekstri, segir í bókun sveitarstjórnar.
:: meira
 
 
Prenta Prenta