Fyrri mynd
Nsta mynd
Sameining Austur-Hnavatnssslu
Sameining A-Hnavatnssslu
Open Menu Close Menu
 
Sameining Austur-Hnavatnssslu

Fréttir

Fundargerðir

Minnisblöð

Ýmis gögn

Sameiningarnefndin

Framkvæmdaráðið

 

Upplýsingavefur um sameiningu sveitarfélaga í A-Hún.

Velkomin(n) á upplýsingavef um sameiningarmál sveitarfélaga í Austur-Húnavatnssýslu. Hér má finna fréttir, tilkynningar, fundargerðir og aðrar upplýsingar sem tengjast fyrirhugaðri sameiningu sveitarfélaganna fjögurra í Austur-Húnavatnssýslu sem eru; Húnavatnshreppur, Blönduósbær, Skagabyggð og Sveitarfélagið Skagaströnd.

Blönduós. Sameiningarviðræður standa yfir hjá sveitarfélögum í Austur-Húnavatnssýslu.
Blönduós. Sameiningarviðræður standa yfir hjá sveitarfélögum í Austur-Húnavatnssýslu.

Vilja fækka sveitarfélögum

Þingsályktunartillaga um stefnumarkandi áætlun ríkisins í málefnum sveitarfélaga verður lögð fram á þingi í haust, að því er fram kom í fréttum Ríkisútvarpsins á dögunum og haft er eftir Þórmundi Jónatanssyni, upplýsingafulltrúa samgöngu- og sveitarstjórnarráðuneytisins. Meðal annars er kveðið á um fækkun sveitarfélaga í tillögunni. Valgarður Hilmarsson, fyrrum sveitarstjóri á Blönduósi, er formaður starfshóps sem unnið hefur að tillögunni. Segir hann í samtali við RÚV að tilgangurinn sé að efla sveitarstjórnarstigið.

Valgarður segir að hvetja eigi sveitarfélögin til þess að sameinast. Einn liður í hvatningunni sé að sýna fram á að með stækkun sveitarfélaga verði samfélagið öflugra og geti betur sinnt verkefnum í þágu íbúanna. Þá verði væntanlega einnig fjárhagsleg hvatning fyrir sveitarfélögin. Hann segir að sveitarfélögin fái aðlögunartíma til þess að sameinast af sjálfsdáðum. Eftir það verði þeim gert að sameinast.

Valgarður segir einnig að margt sé lagt til í tillögunum annað en fækkun sveitarfélaga. Starfshópnum hafi verið falið að gera áætlun um starfsemi sveitarfélaga til næstu fimmtán ára. Þar sé meðal annars að finna nálgun að íbúalýðræði og tillögur að því hvernig hægt sé að efla starfsemi sveitarfélaga. Margt snúi að öðru en íbúamörkum sveitarfélaga.

Hann segir að tillögurnar verði kynntar síðar í mánuðinum og lagðar fyrir aukaþing Sambands íslenskra sveitarfélaga 6. september. Þá ætti ýmislegt að liggja fyrir, svo sem hversu langan aðlögunartíma sveitarfélögin fá til sameiningarinnar. Viðbúið er að á næstu mánuðum eða vikum muni ríkisstjórnin kynna áform um að fækka sveitarfélögum landsins. Sé mið tekið af mannfjölda sveitarfélaga um síðastliðin áramót er rúmlega helmingur undir þeim mörkum sem líklegt er að miðað verði við.

Lestu nánar um málið á vef RÚV.

Frá Skagaströnd
Frá Skagaströnd

Engar þvingaðar sameiningar á næstu árum

Í drögum að frumvarpi til breytinga á sveitarstjórnarlögum, sem innleiðir á ný ákvæði um lágmarksíbúafjölda sveitarfélaga, er haldið í þá reglu sem áður var að finna í sveitarstjórnarlögum frá 1986 og 1998, um að miða skuli við að íbúafjöldi sveitarfélaga þurfi að vera undir lágmarksíbúðamarkinu þrjú ár í röð, áður en ráðuneyti sveitarstjórnarmála ber að hafa frumkvæði að sameiningu sveitarfélagsins við annað eða önnur félög. Þá verður ráðherra fengin heimild til að veita sveitarfélagi tímabundna undanþágu til allt að fjögurra ára frá skilyrði um lágmarksíbúafjölda, ef sérstakar félagslegar eða landfræðilegar aðstæður eru til staðar.
:: meira
Frá Blönduósi. Ljósm: Höskuldur B. Erlingsson.
Frá Blönduósi. Ljósm: Höskuldur B. Erlingsson.

Frumvarp um lágmarksíbúafjölda sveitarfélaga komið í samráðsgáttina

Drög að frumvarpi til breytinga á sveitarstjórnarlögum sem innleiðir á ný ákvæði um lágmarksíbúafjölda sveitarfélaga hafa verið birt í samráðsgátt stjórnvalda til umsagnar. Samkvæmt frumvarpinu verður lágmarksíbúafjöldi 250 frá almennum sveitarstjórnarkosningum árið 2022 og 1.000 frá almennum sveitarstjórnarkosningum árið 2026. Allir hafa tækifæri til að senda inn umsögn eða ábendingar en frestur til að skila umsögn er til og með fimmtudagsins 27. febrúar 2020.
:: meira

Sameiningaviðræður að fara af stað aftur

Jón Gíslason, formaður sameiningarnefndar sveitarfélaga í Austur-Húnavatnssýslu, sagði í samtali við Ríkisútvarpið í gær að sameiningaviðræður væru að fara af stað aftur núna. Hlé hafi verið gert á þeim síðastliðið vor og ákveðið að bíða og sjá hvað yrði úr væntanlegri lagasetningu. Sagði hann að alltaf hafi verið horft til þess að viðræðum lyki með kosningum og sameining tæki gildi við næstu sveitarstjórnarkosningar árið 2022.
:: meira

Fjárhagsáætlun Blönduósbæjar samþykkt

Sveitarstjórn Blönduósbæjar samþykkt fjárhagsáætlun sveitarfélagsins fyrir árið 2020 á fundi sínum í gær. Samkvæmt henni verða heildartekjur á næsta ári 1.288 milljónir króna og rekstrargjöld 1.244 milljónir. Fjármagnsliður eru áætlaðir 50 milljónir og því er gert ráð fyrir að rekstrarniðurstaða ársins verði jákvæð um 14 milljónir króna. Fjárhagsáætlun Blönduósbæjar fyrir 2020 ber þess merki að góður árangur hefur náðst í rekstri sveitarfélagsins og mikilvægt að áfram verði gætt aðhalds og varfærni í öllum rekstri, segir í bókun sveitarstjórnar.
:: meira
 
 
Prenta Prenta