Fyrri mynd
Nsta mynd
Sameining Austur-Hnavatnssslu
Sameining A-Hnavatnssslu
Open Menu Close Menu
 
Til baka
Sameining Austur-Hnavatnssslu

Fréttir

Fundargerðir

Minnisblöð

Ýmis gögn

Sameiningarnefndin

Framkvæmdaráðið

 

Upplýsingavefur um sameiningu sveitarfélaga í A-Hún.

Velkomin(n) á upplýsingavef um sameiningarmál sveitarfélaga í Austur-Húnavatnssýslu. Hér má finna fréttir, tilkynningar, fundargerðir og aðrar upplýsingar sem tengjast fyrirhugaðri sameiningu sveitarfélaganna fjögurra í Austur-Húnavatnssýslu sem eru; Húnavatnshreppur, Blönduósbær, Skagabyggð og Sveitarfélagið Skagaströnd.

Fjárhagsáætlun Húnavatnshrepps samþykkt

Fjárhagsáætlanir Húnavatnshrepps fyrir árið 2020 og árin 2021-2023 voru samþykktar á sveitarstjórnarfundi í gær. Í fundargerð kemur fram að við gerð fjárhagsáætlunar 2020 hafi verið lögð áhersla á aðhald í rekstri, líkt og undanfarin ár. Tekjur eru áætlaðar 502,3 milljónir og gjöld 481,8 milljónir. Tekjuafgangur fyrir fjármagnsliði er áætlaður 20,5 milljónir. Fjármagnsliðir eru neikvæðir um 15,9 milljónir og rekstrarniðurstaðan því áætluð með 4,5 milljóna króna tekjuafgangi. Skuldahlutfallið, þ.e. hlutfall af skatttekjum og skuldum er áætlað 69,5% en má samkvæmt ákvæðum fjármálareglna hæst vera 150%.

Í fjárhagsáætluninni eru álagningaprósentur fasteignagjalda óbreyttar frá fyrra ári. Gjaldskrár hækka almennt í samræmi við verðlagsbreytingar. Á næsta ári er gert ráð fyrir eignfærðum fjárfestingum fyrir rúmlega 100 milljónir króna. Auk hefðbundinna viðhaldsframkvæmda er stefnt á að endurnýja búningsklefa og gervigras á sparkvelli á Húnavöllum og koma fyrir körfuboltavelli með undirefni úr gerviefni. Stækka á lóð við leikskóla og fjölga leiktækjum þar og við grunnskólann. Einnig á að koma fyrir lyftur í anddyri grunnskólans. Þá verða allt að 23 milljónir settar í viðhald rétta og girðinga. Gert er ráð fyrir að sveitarfélagið taki allt að 85 milljón króna lán fyrir viðhaldsframkvæmdum á næsta ári.

Fjárhagsáætlun Húnavatnshrepps má sjá hér.

Fulltrúar E-lista í sveitarstjórn sátu hjá við afgreiðslu fjárhagsáætlunarinnar. Þeir létu færa til bókar að þeim finnst tugmilljóna framkvæmdir og lántökur ekki ábyrg fjármálastjórnun. Og að meirihlutinn verji útgjaldastefnuna með því að segja að sameining sé á næstu grösum og því sé rétt að skuldsetja sveitarfélagið enn frekar. Þessum málflutningi mótmælti meirihlutinn sem telur að mikilvægt sé að viðhalda og verja eignir sveitarfélagsins og þá sérstaklega skólahúsnæðið til hagsbóta og öryggis fyrir nemendur, starfsfólk og annarra íbúa sveitarfélagsins. Sagði meirihlutinn að gott og markvisst viðhald eigna auki að sjálfsögðu verðgildi þeirra.

Í þriggja ára áætlun fyrir árin 2021-2023 er gert ráð fyrir jákvæðri rekstrarniðurstöðu öll árin.

Samstarfsnefnd um sameiningu fullskipuð

Sveitarstjórnir Húnavatnshrepps og Skagabyggðar hafa samþykkt tillögu sameiningarnefndar Austur-Húnavatnssýslu um að um að sveitarfélögin fjögur í sýslunni hefji formlegar sameiningarviðræður og skipi tvo fulltrúa hvert sveitarfélag og tvo til vara í samstarfsnefnd. Húnavatnshreppur hefur skipað Jón Gíslason og Ragnhildi Haraldsdóttur í samstarfsnefndina og Jóhönnu Magnúsdóttur og Þóru Margréti Lúthersdóttur til vara. Skagabyggð hefur skipað Karenu Steinsdóttur og Magnús Björnsson í samstarfsnefndina.
:: meira

Skipa fulltrúa í samstarfsnefnd

Sveitarstjórnir Blönduósbæjar og Skagastrandar hafa samþykkt tillögu sameiningarnefndar Austur-Húnavatnssýslu um að sveitarfélögin fjögur í sýslunni hefji formlegar sameiningarviðræður og skipi tvo fulltrúa hvert sveitarfélag og tvo til vara í samstarfsnefnd. Skagaströnd hefur skipað Halldór G. Ólafsson og Kristínu B. Leifsdóttir í samstarfsnefndina og Péturínu L. Jakobsdóttur og Guðmund Egil Erlendsson til vara. Blönduósbær hefur skipað Guðmund Hauk Jakobsson og Birnu Ágústsdóttur og til vara Sigurgeir Þór Jónasson og Gunnar Tryggva Halldórsson.
:: meira

Lagt til að formlegar sameiningarviðræður sveitarfélaga í A-Hún. hefjist

Sameiningarnefnd sveitarfélaganna í Austur-Húnavatnssýslu hefur samþykkt að leggja til við sveitarstjórnir Blönduósbæjar, Húnavatnshrepps, Skagabyggðar og Sveitarfélagsins Skagastrandar að hafnar verði formlegar sameiningarviðræður. Lagt er til að sveitarfélögin samþykki að skipa tvo fulltrúa hvert sveitarfélag og tvo til vara í samstarfsnefnd sem kanna skal möguleika á sameiningu sveitarfélaganna í samræmi við 119. grein sveitarstjórnarlaga.
:: meira
Að Hólabaki
Að Hólabaki

Ferðamála-, iðnaðar og nýsköpunarráðherra í heimsókn í Austur-Húnavatnssýslu

Frá sameiningarnefndinni

Þórdís Kolbrún Reykfjörð Gylfadóttir, ferðamála-, iðnaðar og nýsköpunarráðherra, heimsótti Austur-Húnavatnssýslu síðastliðinn mánudag ásamt aðstoðarmanni sínum, Ólafi Teiti Guðnasyni. Heimsóknin var í boði sameiningarnefndar sveitarfélaganna í sýslunni og var tilgangur hennar að kynna nýsköpun og atvinnuþróun á svæðinu, sem og þau tækifæri og áskoranir sem íbúar svæðisins standa frammi fyrir.
:: meira
 
Prenta Prenta