Fyrri mynd
Nsta mynd
Sameining Austur-Hnavatnssslu
Sameining A-Hnavatnssslu
Open Menu Close Menu
 
Til baka
Sameining Austur-Hnavatnssslu

Fréttir

Fundargerðir

Minnisblöð

Ýmis gögn

Sameiningarnefndin

Framkvæmdaráðið

 

Upplýsingavefur um sameiningu sveitarfélaga í A-Hún.

Velkomin(n) á upplýsingavef um sameiningarmál sveitarfélaga í Austur-Húnavatnssýslu. Hér má finna fréttir, tilkynningar, fundargerðir og aðrar upplýsingar sem tengjast fyrirhugaðri sameiningu sveitarfélaganna fjögurra í Austur-Húnavatnssýslu sem eru; Húnavatnshreppur, Blönduósbær, Skagabyggð og Sveitarfélagið Skagaströnd.

Húnaflói. Ljósm: Höskuldur B. Erlingsson.
Húnaflói. Ljósm: Höskuldur B. Erlingsson.
08. febrúar 2019
Kosið um sameiningu í fyrsta lagi á næsta ári

Sameiningarnefnd sveitarfélaga í Austur-Húnavatnssýslu er sammála um að kosið verði um sameiningu sveitarfélaganna á síðari hluta kjörtímabilsins, þ.e. árið 2020 eða í síðasta lagi árið 2021. Verði sameining samþykkt taki ný sveitarstjórn við árið 2022 eftir almennar sveitarstjórnarkosningar. Tíminn fram að því verði notaður til að vinna SVÓT greiningu fyrir alla málaflokka sem fram koma í drögum að málefnasamningi og þá þurfi framtíðarsýn fyrir Austur-Húnavatnssýslu að liggja fyrir.

Þetta kemur fram í fundargerð sameiningarnefndar frá 4. febrúar síðastliðnum þar sem staða verkefnisins var rædd og næstu skref. Í henni segir að ljóst sé að ekki verði kosið um sameiningu í vor eins og stefnt hafi verið að í upphafi. Til þess að hægt sé að kjósi þurfi að vinna betur að málinu í heild.

Á fundinum urðu umræður um hver aðkoma hins opinbera verði og hversu lengi skuli bíða eftir svörum þaðan. Þegar þau fáist verði hægt að fullvinna málefnaskrá, kynna hana fyrir sveitarstjórnum og fyrir íbúum og kjósa í framhaldinu. Fá þurfi fram með skýrari hætti aðkomu ríkisvaldsins að verkefnum á svæðinu og stefnumörkun til framtíðar í málefnum héraðsins.

Enn liggur ekki fyrir hver aðkoma Jöfnunarsjóðs verði að sameiningunni en það ætti að liggja fyrir á næstu vikum, segir í fundargerðinni.

Fundargerð sameiningarnefndarinnar frá 4. febrúar má nálgast á vefnum Sameining Austur-Húnavatnssýslu eða með því að smella hér.

Breytingar á tímaáætlun Húnvetnings vegna Covid-19 og sóttvarna

Frá sameiningarnefndinni

Á fundi framkvæmdaráðs Húnvetnings þann 14. ágúst 2020 var ákveðið að fresta íbúafundum sem fyrirhugaðir voru í sveitarfélögunum fjórum í lok ágúst og byrjun september. Ákvörðunin er tekin með hliðsjón af fjölgun Covid-19 smita í samfélaginu á síðustu vikum og aðgerðum stjórnvalda til að takmarka útbreiðslu veirunnar.
:: meira

Austur- Húnvetningar funda með ráðamönnum

Frá sameiningarnefndinni

Mánudaginn 15. júní áttu oddvitar og sveitarstjórar sveitarfélaganna í Austur- Húnavatnssýslu fundi með Þórdísi Kolbrúnu Reykfjörð Gylfadóttur, ferða-, iðnaðar- og nýsköpunarráðherra, Sigurði Inga Jóhannssyni, samgöngu- og sveitarstjórnarráðherra og Kristjáni Þór Júlíussyni sjávarútvegs- og landbúnaðarráðherra.
:: meira

Samskiptasáttmáli Húnvetnings

Frá sameiningarnefndinni

Blönduósbær, Húnavatnshreppur, Skagabyggð og Sveitarfélagið Skagaströnd hafa átt í viðræðum um mögulega sameiningu sveitarfélaganna undanfarin tvö ár. Um síðustu áramót var ákveðið að setja aukinn kraft í vinnuna og ráðgjafafyrirtækið RR ráðgjöf fengið til samstarfs. Undanfarin misseri hefur verið unnið að framgangi verkefnisins með tíðari fundum sveitarstjórnarfólks, greiningu á helstu hagsmunum Húnvetninga og forgangsröðun aðgerða.
:: meira

Ákvörðun um formlegar sameiningarviðræður í september

Tilkynning frá sameiningarnefndinni

Á fundi sameiningarnefndar sveitarfélaganna í Austur-Húnavatnssýslu þann 16. apríl var ákveðið að gera breytingar á tímalínu verkefnisins Húnvetnings vegna heimsfaraldurs Covid-19. Í upphaflegri áætlun var gert ráð fyrir að sveitarstjórnir tækju ákvörðun um hvort hefja skuli formlegar sameiningarviðræður í lok apríl eða maí.
:: meira
 
 
Prenta Prenta