Fyrri mynd
Nsta mynd
Sameining Austur-Hnavatnssslu
Sameining A-Hnavatnssslu
Open Menu Close Menu
 
Sameining Austur-Hnavatnssslu

Fréttir

Fundargerðir

Minnisblöð

Ýmis gögn

Sameiningarnefndin

Framkvæmdaráðið

 

Upplýsingavefur um sameiningu sveitarfélaga í A-Hún.

Velkomin(n) á upplýsingavef um sameiningarmál sveitarfélaga í Austur-Húnavatnssýslu. Hér má finna fréttir, tilkynningar, fundargerðir og aðrar upplýsingar sem tengjast fyrirhugaðri sameiningu sveitarfélaganna fjögurra í Austur-Húnavatnssýslu sem eru; Húnavatnshreppur, Blönduósbær, Skagabyggð og Sveitarfélagið Skagaströnd.

Nauðsynlegt að skapa nýja og skýrari sýn

„Ef að markmiðið er að sameina sveitarfélögin, þá þarf að vera hægt að sannfæra kjósendur um að það sé vænlegur kostur,“ sagði Halldór Gunnar Ólafsson, oddviti sveitarstjórnar Skagastrandar, í samtali við fréttastofu Ríkisútvarpsins í gær. Þar var verið að fjallað um ákvörðun sameininganefndar Austur-Húnavatnssýslu að ekki væri tímabært að kjósa um sameiningu sveitarfélaganna fjögurra á þessu ári eins og til stóð að gera.

Halldór sagði í viðtalinu að það þyrfti að koma fram skýrari sýn á ákveðna þætti, t.d. á aðkomu Jöfnunarsjóðs að verkefninu. „Og svo eru bara ákveðnar áskoranir sem þarf að fara yfir og leysa og skapa nýja sýn á stöðu Austur-Húnavatnssýslu til framtíðar,“ sagði Halldór.

Á næstu mánuðum kemur í ljós hver aðkoma Jöfnunarsjóðs sveitarfélaga verður að hugsanlegri sameiningu en ýmislegt er enn óljóst um þátt hins opinbera í verkefninu. Halldór nefndi m.a. annars vegamál og atvinnumál.

Hægt er að sjá frétt Ríkisútvarpsins hér.

Ljósm: Höskuldur B. Erlingsson.
Ljósm: Höskuldur B. Erlingsson.

Sameiningarvinnu seinkar

Kórónuveirufaraldurinn hefur sett strik í reikninginn við undirbúningsvinnu fyrir sameiningu sveitarfélaga víða um land og þar á meðal í Austur-Húnavatnssýslu. Í Morgunblaðinu í dag er haft eftir Róberti Ragnarssyni, framkvæmdastjóra RR ráðgjafar að vinnan haldi áfram en það hægi á henni og afgreiðslur frestist. Öllum verkþáttum hefur verið frestað þar sem fólk þarf að hittast á vinnustofum. RR ráðgjöf heldur utan um vinnu í tengslum við sameiningu sveitarfélaga á fjórum stöðum á landinu.
:: meira

Látið verði reyna á sameiningarvilja núverandi sveitarfélaga í sameiningarnefnd A-Hún.

Byggðarráð Húnaþings vestra telur eðlilegt að áður en víðtækar og á margan hátt flóknar sameiningar sveitarfélaga í öllum landshlutanum komi til umræðu verði reynt á sameiningarvilja þeirra sveitarfélaga í landshlutanum sem eigi að baki áratugalangt og náið samstarf innan afmarkaðra svæða hans. Þetta kemur fram í bókun byggðarráðs í tilefni af bréfi sem sameiningarnefnd Austur-Húnavatnssýslu hefur sent sveitarfélaginu.
:: meira

Rýna þarf ýmis atriði í tengslum við sameiningu sveitarfélaganna

Á fundum ráðgjafa RR ráðgjafar með sveitarstjórnum í Austur-Húnavatnssýslu hafa komið fram ákveðnir fyrirvarar í tengslum formlegar sameiningarviðræður sveitarfélaganna. Í fundargerð sameiningarnefndar A-Hún. frá 25. febrúar síðastliðnum kemur fram að sveitarstjórn Skagastrandar hafi lagt fram ósk um að unnið yrði að því að finna samhljóm og sameiginlega megin hagsmuni á svæðinu. Þá kom fram ósk frá sveitarstjórn Húnavatnshrepps um að mörkuð yrði stefna varðandi framtíðarverkefni á Húnavöllum ef skólahald þar leggist af.
:: meira
Norðurland vestra
Norðurland vestra

Fleiri sveitarfélögum boðið til viðræðna um sameiningu

Sameiningarnefnd Austur-Húnavatnssýslu kom saman í fyrsta sinn á árinu þann 25. febrúar síðastliðinn. Á fundinum var meðal annars rædd aðild annarra sveitarfélaga að sameiningarviðræðunum. Samþykkt var samhljóða að bjóða Húnaþingi vestra, Sveitarfélaginu Skagafirði og Akrahreppi formlega að viðræðunum.
:: meira
 
 
Prenta Prenta